UzAuto Motors Powertrain zavodiga Janubiy Koreyani...
2025-yil 7-fevral kuni UzAuto Motors Powertrain zavodiga “Toshkent irrigatsiya va qishloq xo‘jaligini mexanizatsiyalash muhandislari instituti” – Milliy tadqiqiot universiteti rektori Baxodir Mirzayev, bir guruh professor-o’qituvchilari hamda universitet hamkorlik qiladigan Janubiy Koreyaning Keimyung College Universiteti vakillari tashrif buyurishdi.
Mehmonlar uchun zavod bo’ylab ekskursiya tashkil etildi va ular korxonamizning zamonaviy va yuqori texnologiyali ishlab chiqarish jarayonlari bilan yaqindan tanishish imkoniyatiga ega bo‘ldilar.
Mexatronika va robototexnika yo‘nalishi bo‘yicha yirik sanoat korxonalari uchun raqobatbardosh muhandis kadrlar tayyorlashni maqsad qilgan “TIQXMMI” Milliy tadqiqot universiteti UzAuto Motors Powertrain zavodida talabalarning amaliyot o‘tashi va kelgusida korxonaga iqtidorli kadrlar yetkazib berish imkoniyatini ilgari surdi.
Tashrif yakunida “UzAuto Motors Powertrain” Bosh direktori vazifasini bajaruvchi Saidazim Gulyamov hamda “TIQXMMI” Milliy tadqiqot universiteti rektori Baxodir Mirzayev ta’lim va ishlab chiqarish tarmoqlari o‘rtasidagi aloqalarni mustahkamlash maqsadida o‘zaro hamkorlik qilishga qiziqish bildirishdi.
