“Avtosanoat Invest” MChJ rahbariyati va dilerlik korxonalari o’rtasida ochiq muloqot shaklida uchrashuv o’tkazildi. Uchrashuv davomida xizmat ko‘rsatish sifati va mahsulotlarni sotish masalalari muhokama qilindi.
Dilerlik markazlari savdo va mijozlarga xizmat ko'rsatishning asosiy nuqtalari sifatida iste'molchi bilan o'zaro aloqaning yagona nuqtasi hisoblanadi. Aynan mana shuning uchun rasmiy dilerlar tomonidan mijozlarga samarali va sifatli xizmat ko‘rsatishni ta’minlash kompaniyaning ustuvor yo‘nalishlaridan biridir.
Yig‘ilish davomida “Avtosanoat Invest” MChJ Bosh direktori Qodirjon Bobojonov iste’molchilarning ehtiyojlariga yanada e’tiborliroq munosabatda bo‘lish zarurligini alohida ta’kidlab o‘tdi. Xususan, dam olish kunlarida ham mijozlarning to‘lovlarini qabul qilish va hujjatlarni rasmiylashtirish bo‘yicha avtosalonlar bilan tijorat banklari o‘rtasida hamkorlikni amalga oshirish zarurligi qayd etildi.
Bugungi kunda kompaniya mijozlarga xizmat ko'rsatish sifatini oshirish, servis xizmati ko'rsatish va dilerlik tarmog'ini kengaytirish bo'yicha keng ko‘lamli dasturni amalga oshirmoqda.
Dilerlik markazlarining Chevrolet brendi standartlariga muvofiqligi, ularning dizayni va mijozlarga xizmat ko‘rsatish sifatiga kompleks yondashish, shuningdek, kamchiliklarni bartaraf etishga tizimli ishlash mijozlarga yuqori darajada xizmat ko‘rsatish, ularga e’tiborni oshirish barcha jahon standartlari bo'yicha raqobatbardosh savdo va xizmat ko'rsatish markazlari yaratish imkonini beradi.
Bundan tashqari, uchrashuv davomida o‘tgan davr yakunlari muhokama qilinib, 2022-yilga uchun maqsadlar belgilab olindi.
- 24/06/2022
- Bo'lim: Yangiliklar