Tez-tez beriladigan savollarga javoblar

Mazkur tartib O‘zbekiston Respublikasi Fuqarolik kodeksi normalari hamda 2003-yil 13-fevraldagi 75-sonli Vazirlar Mahkamasi qarori bilan tasdiqlangan “O‘zbekiston Respublikasida chakana savdo qoidalari va jamoat ovqatlanish mahsulotlarini (xizmatlarini) ishlab chiqarish va realizatsiya qilish qoidalari”ga muvofiq tartibga solinadi.

Yuridik shaxs vakillari avtomobil xarid qilish istagi bo‘yicha quyidagi hujjatlarni taqdim etgan holda bevosita dilerlik markaziga murojaat qilishlari mumkin: avtomobil xarid qilish niyati to‘g‘risidagi yozma murojaat, yuridik shaxs rahbarining pasport nusxasi hamda yuridik shaxs davlat ro‘yxatidan o‘tganligi to‘g‘risidagi guvohnomaning nusxasi.

Mijoz tomonidan taqdim etilgan hujjatlar asosida diler avtomobil xaridi bo‘yicha arizani https://uzavtosavdo.uz portalida ro‘yxatdan o‘tkazishi shart.

Diler arizani ro‘yxatdan o‘tkazgach, portaldagi ro‘yxatga olish ma’lumotlari asosida avtomatik shakllangan hujjatni chop etadi. Ushbu hujjatda mijozga shartnoma tuzish uchun navbatga qo‘yilganligi haqidagi raqam hamda noyob identifikatsion raqam ko‘rsatilgan bo‘lishi lozim.

Mazkur tartib O‘zbekiston Respublikasi Fuqarolik kodeksi normalari hamda 2003-yil 13-fevraldagi 75-sonli Vazirlar Mahkamasi qarori bilan tasdiqlangan “O‘zbekiston Respublikasida chakana savdo qoidalari va jamoat ovqatlanish mahsulotlarini (xizmatlarini) ishlab chiqarish va realizatsiya qilish qoidalari”ga muvofiq tartibga solinadi.

“Iste’molchilar huquqlarini himoya qilish to‘g‘risida”gi Qonunning 11-moddasiga muvofiq, uzoq muddat foydalaniladigan barcha turdagi tovarlarga ishlab chiqaruvchi tomonidan kafolat muddati belgilanishi shart.

Shunga asosan, kafolatli servis xizmatlari quyidagi shartlar bajarilganda taqdim etiladi:

• avtomobil kafolat muddati doirasida bo‘lishi lozim (3 yil yoki 100 000 km yurish masofasi);
• servis kitobi va foydalanuvchi qo‘llanmasida ko‘rsatilgan kafolat shartlariga rioya etilishi kerak;
• avtomobil faqat UzAuto Motors’ning rasmiy dilerlik markazlarida texnik xizmatdan o‘tishi shart.

Agar avtomobil kafolat muddati ichida sotilsa, yangi egasi kafolatli servis xizmatidan foydalanish huquqini saqlab qoladi. Shu bilan birga, ekspluatatsiya shartlariga amal qilinmasligi yoki avtomobil konstruksiyasiga mustaqil aralashuv kafolatli ta’mirdan voz kechishga olib kelishi mumkinligini unutmaslik zarur.

Mijoz tuzilgan shartnoma asosida dilerlik markaziga yozma ravishda murojaat qiladi. Murojaat ko‘rib chiqilgandan so‘ng va asosli sabablar mavjud bo‘lgan taqdirda, shartnoma bo‘yicha to‘langan pul mablag‘lari 7 dan 20 ish kuni ichida qaytariladi.

Pul mablag‘lari mijoz tomonidan ko‘rsatilgan rekvizitlarga naqd pulsiz shaklda qaytariladi.

Qaytarish jarayoni O‘zbekiston Respublikasi Fuqarolik kodeksi hamda “Iste’molchilar huquqlarini himoya qilish to‘g‘risida”gi Qonunga muvofiq tartibga solinadi. Ushbu qonunga ko‘ra, tovar uchun to‘langan mablag‘lar iste’molchiga to‘lov amalga oshirilgan shaklda qaytariladi, agar tomonlar o‘rtasida boshqacha kelishuv nazarda tutilmagan bo‘lsa.

Shikoyatlar, takliflar yoki murojaatlar bo‘lsa, kompaniyaning Call-markaziga 78 141-77-77 raqami orqali qo‘ng‘iroq qilish mumkin. O‘zbekiston Respublikasi Prezidentining 2022-yil 11-maydagi PQ-240-sonli qaroriga muvofiq, korrupsiya holatlari aniqlanganda 78 140-56-30 raqamiga, compliance@uzautomotors.com elektron manziliga yoki maxsus Telegram-botga - t.me/uzautomotors_compliance_bot murojaat qilish lozim.

Shikoyat, taklif yoki murojaat bo‘lgan taqdirda, 78 141-77-77 raqami orqali kompaniyaning Call-markaziga qo‘ng‘iroq qilishingiz mumkin.

Agar siz korrupsiyaga oid holatga duch kelsangiz, “O‘zavtosanoat” AJning Komplaens xizmati bilan quyidagi aloqa vositalari orqali bog‘lanishingiz mumkin:

• Telefon: 78 140-56-30
• Elektron pochta: compliance@uzautomotors.com
• Maxsus Telegram-bot: t.me/uzautomotors_compliance_bot

“O‘zavtosanoat” AJ ga ishga qabul qilish tartibi O‘zbekiston Respublikasi mehnat qonunchiligi hamda Jamiyatning 2021-yil 12-martdagi “O‘zavtosanoat” AJning ayrim Nizomlarini tasdiqlash to‘g‘risida”gi 07-027-son buyrug‘i 1-ilovasi ““O‘zavtosanoat” aksiyadorlik jamiyatiga Xodimlarni tanlov asosida ishga qabul qilish nizomi” (https://uzavtosanoat.uz/storage/upload/other_files/ishqaqabul_uz_1686651496_uz_1737435438.pdf )ga muvofiq amalga oshiriladi.

UzAuto Motors tomonidan ishlab chiqarilgan yangi Chevrolet avtomobillariga uch yil va/yoki 100 000 kilometr yurish masofasigacha (qaysi biri oldin bo‘lsa) kafolat beriladi.

Yangi avtomobilning qayerda xarid qilinganidan qat’i nazar, kafolat asosidagi texnik xizmat ko‘rsatish O‘zbekiston Respublikasi hududida joylashgan rasmiy dilerlik markazlarida amalga oshiriladi.

Agar nuqson ishlab chiqaruvchining aybi bilan yuzaga kelgan bo‘lsa va bu “Iste’molchilar huquqlarini himoya qilish to‘g‘risida”gi Qonunga muvofiq aniqlansa, kafolatli ta’mirlash yoki ehtiyot qismlar, agregat va uzellarni almashtirish bepul amalga oshiriladi.

Kafolat davrida bajariladigan texnik xizmat ko‘rsatish va ta’mirlash jarayonida faqat rasmiy dilerlik markazlari tomonidan xarid qilingan asl (original) ehtiyot qismlar ishlatiladi.

Dilerlik markazlari tomonidan kafolatli ta’mir vaqtida o‘rnatilgan ehtiyot qismlar uchun ham yangi avtomobilga berilgan kafolat muddati amal qiladi, ya’ni o‘rnatilgan ehtiyot qismlarning kafolat muddati avtomobilning umumiy kafolat muddati tugashi bilan yakunlanadi.

Kafolat avtomobilga bog‘liq bo‘lib, u faqatgina egasining shaxsiga emas, balki kafolat hujjatlarida ko‘rsatilgan shartlarga rioya etilgan taqdirda amal qiladi: bu shartlar servis kitobi va avtomobil ekspluatatsiyasi bo‘yicha qo‘llanmada bayon etilgan. Shu sababli, kafolat davrida yangi egasi avtomobilga nisbatan kafolat huquqlarini saqlab qoladi.

Ishlab chiqaruvchi tomonidan taqdim etilgan kafolat avtomobil to‘plamiga kiruvchi servis kitobida batafsil bayon etilgan.

Agar qabul qilish vaqtida zavod nuqsoni yoki ishlab chiqarishdagi brak aniqlansa va bu nuqson kafolatli ta’mirlash doirasida bartaraf etib bo‘lmasa yangi avtomobilni almashtirish imkoni mavjud. Shuningdek, iste’molchilar huquqlarini himoya qilish to‘g‘risidagi qonunchilik, jumladan Vazirlar Mahkamasining 75-sonli Qarorining 126–130-bandlarida nazarda tutilgan hollarda ham avtomobil almashtiriladi.

O‘zbekiston Respublikasining “Davlat hokimiyati va boshqaruvi organlari faoliyatining ochiqligi to‘g‘risida”gi 2014-yil 5-maydagi O‘RQ-369-son Qonuni asosida kompaniya rekvizitlari rasmiy veb-saytda - [https://uzautomotors.com](https://uzautomotors.com)da e’lon qilingan.