Answers to frequently asked questions

Avtomobil xaridi bo‘yicha shartnoma tuzish uchun mijoz dilerlik markaziga bevosita tashrif buyurishi yoki savdo.uzavtosanoat.uz veb-sayti orqali, shuningdek, UzAvtosavdo mobil ilovasi yordamida elektron ariza orqali shartnoma olishi mumkin.

Mijoz (jismoniy shaxs) dilerlik markaziga shaxsan tashrif buyurgan taqdirda, quyidagi hujjatlarni dilerga taqdim etadi:

• O‘zbekiston Respublikasi fuqarosi uchun — O‘zbekiston Respublikasi fuqarosining pasporti va soliq to‘lovchining identifikatsiya raqami (STIR) nusxasi;
• Chet el fuqarolari uchun — chet el fuqarosining pasporti;
• Fuqaroligi bo‘lmagan shaxslar uchun — O‘zbekiston Respublikasida doimiy yashovchi fuqaroligi bo‘lmagan shaxslar uchun tegishli guvohnoma;
• Yakka tartibdagi tadbirkorlar uchun — yakka tartibdagi tadbirkorning davlat ro‘yxatidan o‘tganligi to‘g‘risidagi guvohnoma.

Avtomobil xarid qilish istagidagi yuridik shaxslar bevosita dilerlik markaziga murojaat qilishlari mumkin. Bunda ular quyidagi hujjatlarni taqdim etishlari lozim:

• avtomobil sotib olish niyatini bildirgan yozma murojaat;
• yuridik shaxs rahbarining pasport nusxasi;
• yuridik shaxsning davlat ro‘yxatidan o‘tganligi haqidagi guvohnoma nusxasi.

Mijoz tomonidan taqdim etilgan hujjatlar asosida diler avtomobil xarid qilish uchun arizani https://uzavtosavdo.uz portalida ro‘yxatdan o‘tkazishi shart.

Ariza ro‘yxatga olingandan so‘ng, diler portalda kiritilgan ro‘yxat ma’lumotlari asosida shakllantirilgan hujjatni chop etadi. Bu hujjatda avtomatik tarzda yaratilgan yagona identifikatsion raqam hamda shartnoma tuzish uchun mijozning navbat raqami ko‘rsatilgan bo‘lishi kerak.

Trade-in dasturi — bu jismoniy shaxs o‘ziga tegishli ishlatilgan avtomobilni rasmiy dilerga topshirgan holda, mahalliy ishlab chiqarilgan yangi avtomobil xarid qilish imkonini beruvchi tizim hisoblanadi. Ushbu tartibga ko‘ra, ishlatilgan avtomobil ekspertlar tomonidan baholangach, mijoz yangi avtomobil narxi bilan eski avtomobil qiymati o‘rtasidagi farqni to‘laydi.Ishlatilgan avtomobilni yangi avtomobilga almashtirish tartibi quyidagicha:

• mijoz dilerlik markazida yangi avtomobilni tanlaydi;
• dilerlik markazi eksperti avtomobilning texnik holati va ishlab chiqarilgan yilini inobatga olgan holda uni baholaydi;
• dilerlik markazi bilan mijoz o‘rtasida eski avtomobilni sotish bo‘yicha shartnoma rasmiylashtiriladi (bunda notarial tasdiq talab etilmaydi);
• mijoz yangi avtomobil narxi bilan eski avtomobil bahosi o‘rtasidagi farqni to‘laydi;

mijoz yangi avtomobilni olib ketadi.

Avtomobil xaridi bo‘yicha tuzilgan shartnoma asosida to‘lov yetti kalendar kuni ichida amalga oshirilishi kerak. Aks holda, shartnoma bekor qilinadi.

To‘lovni O‘zbekiston Respublikasi hududidagi istalgan tijorat banki orqali, ularning mobil ilovalari yordamida, shuningdek Payme, Click, Uzum va boshqa to‘lov tizimlari orqali amalga oshirish mumkin.

Navbat holatini bilish uchun bir nechta usullar mavjud. Mijozlar quyidagi vositalar orqali ma’lumot olishlari mumkin:

• Telegram-bot;
• UzAvtosavdo mobil ilovasi;
• my.gov.uz portali;
• kompaniya Call-markazi.

Shuningdek, bevosita dilerlik markaziga tashrif buyurish yoki operatorga qo‘ng‘iroq qilish orqali ham navbat holatini tekshirish mumkin.

Bunday holatda mijoz avtomobil sotib olish bo‘yicha shartnoma tuzilgan dilerlik markaziga tashrif buyurishi yoki yetkazib beruvchi tashkilotga yozma ravishda murojaat qilishi lozim.

Shikoyat, taklif yoki murojaat bo‘lgan taqdirda, 78 141-77-77 raqami orqali kompaniyaning Call-markaziga qo‘ng‘iroq qilishingiz mumkin.

Agar siz korrupsiyaga oid holatga duch kelsangiz, “O‘zavtosanoat” AJning Komplaens xizmati bilan quyidagi aloqa vositalari orqali bog‘lanishingiz mumkin:

• Telefon: 78 140-56-30
• Elektron pochta: compliance@uzautomotors.com
• Maxsus Telegram-bot: t.me/uzautomotors_compliance_bot

Chevrolet avtomobillari uchun asl ehtiyot qismlarni respublikaning barcha hududlarida joylashgan "UzAuto Motors" AJ rasmiy dilerlaridan xarid qilish mumkin.