2022 yilning 26 avgustida Ozarbayjonning Boku shahrida “Oʻzavtosanoat” AJ boshqaruv raisi Shavkat Umurzakov, Ozarbayjon Respublikasi Iqtisodiyot vaziri oʻrinbosari Somed Basherli hamda “GM International” global xaridlar va ta’minot zanjiri vitse-prezidenti Jonni Soldana oʻrtasida uchrashuv boʻlib oʻtdi.
Kun tartibida avtomobilsozlik sohasidagi O'zbekiston-Ozarbayjon hamkorligining bugungi kundagi holati va uni keyinchalik yanada rivojlantirish istiqbollarini muhokama qilishga alohida e'tibor qaratildi.
Tomonlarning chiqishlarida O'zbekiston va Ozarbayjon o'rtasidagi oliy darajadagi yaqin va ishonchli muloqotga asoslangan do'stona va sheriklik munosabatlarini rivojlantirish dinamikasiga yuqori baho berildi. Joriy yil iyun oyida Ozarbayjon Prezidenti Ilhom Aliyevning O'zbekistonga Davlat tashrifi davlatlararo hamkorlikni rivojlantirishga qo'shimcha turtki bergani alohida qayd etildi.
Xususan, Ozarbayjonda avtomobillarning chuqur lokalizatsiyasini o'rganish bo'yicha “Oʻzavtosanoat” AJ va Ozarbayjon Respublikasi avtomobil ishlab chiqaruvchilari Assotsiatsiyasi oʻrtasida shartnoma imzolandi. Ozarbayjonda UzAuto avtomobillarini yirik uzelli yig'ish loyihasini amalga oshirish bo'yicha tomonlarning muvaffaqiyatli hamkorligi natijasida joriy yilda ishlab chiqarish hajmi 12 baravar oshdi. Ishlab chiqarish hajmining oʻsishi tabiiyki chuqur lokalizatsiya bilan zamonaviy yuqori texnologiyali to'liq siklli (CKD) metod boʻyicha avtomobil ishlab chiqarishni yanada rivojlantirishga o'zaro qiziqishga olib keldi.
Tomonlar avtomobilsozlik sohasidagi ikki tomonlama hamkorlikka toʻxtalar ekan, ushbu yo'nalishdagi ijobiy trendlarni mamnuniyat bilan qayd etishdi. 2021 yil sentabr oyida Ozarbayjonning Hajigabul shahrida foydalanishga topshirilgan "UzAuto Motors" AJ va "SamAvto" MCHJ QK ishlab chiqarish liniyasi faoliyatidagi yutuqlarni misol qilib keltirish mumkin.
Shu bilan birga, avtomobilsozlik sohasida amalga oshirilmagan mavjud salohiyat haqida umumiy fikr bildirildi. Ishlab chiqarilgan mahsulotlarni ichki bozorda sotishdan tashqari, 2020 yilda Ozarbayjonning Turkiya bilan imzolangan erkin savdo shartnomasi Uzauto’ga Ozarbayjonlik sheriklari bilan birgalikda Turkiya bozoriga avtomobil eksportini yo'lga qo'yish imkonini beradi.
- 28/08/2022
- Bo'lim: Yangiliklar