“Turin x IT Park: AI Hackathon 2025” xakatoni o‘z nihoyasiga yetdi!

2025-yil 23–25-may kunlari Toshkent shahridagi Turin politexnika universiteti va IT Park Uzbekistan bilan hamkorligida, “O‘zavtosanoat” AJ bosh homiyligida bo‘lib o‘tgan sun’iy intellekt hamda kiberxavfsizlik bo‘yicha xalqaro xakaton o‘z yakuniga yetdi.

Uch kun davomida xakaton ishtirokchilari sun’iy intellekt va kiberxavfsizlik yo‘nalishlaridagi o'z loyihalari ustida ishlash bilan birgalikda malakali mentorlar ko‘magida amaliy tajriba orttirish hamda yangi texnologiyalar bilan ishlash bo‘yicha bilim va ko‘nikmalarini mustahkamlash imkoniyatiga ega bo'lishdi.

Hakamlar hay’ati tomonidan e’lon qilingan yakuniy natijalarga ko‘ra, quyidagi jamoalar g‘olib deb topilib, “O‘zavtosanoat” AJ tomonidan pul mukofotlari bilan taqdirlandi:
🥇 1-o‘rin – "Nova" jamoasi – 50 000 000 so‘m
🥈 2-o‘rin – "Doppi Dev" jamoasi – 30 000 000 so‘m
🥉 3-o‘rin – "SmartSteps" jamoasi – 20 000 000 so‘m

“Turin x IT Park: AI Hackathon 2025” yoshlar uchun texnologiya, innovatsiya va hamkorlik muhitida tajriba orttirish, shuningdek, sun’iy intellekt sohasidagi ilg‘or g‘oyalarni amaliyotga tatbiq etish imkoniyatini yaratdi.

• event 26/05/2025
• local_offer Bo'lim: Yangiliklar
• thumb_up Yoqdi (0)
• thumb_down Yoqmadi (0)